AĞSUDA DOĞUMUN SAYI ARTIR
AZƏRTAC-ın müxbiri xəbər verir ki, 2007-ci ildə Ağsu rayonunda 1275 uşaq doğumu qeydə alınmışdır ki, bu da 2006-ci illə müqayisədə 136 nəfər çoxdur.
Bunu son illər respublikamızda, o cümlədən bölgədə sosial-iqtisadi sahədəki inkişafın, insanların maddi rifahının getdikcə yaxşılaşmasının nəticəsi kimi dəyərləndirən VVAİ-nin Ağsu rayon şöbəsinin rəisi Atakişi Əliyev uşaq doğumunun cari ilin birinci rübündə də artdığını bildirmişdir. O demişdir ki, 2008-ci ilin birinci rübündə rayonda 384 uşaq dünyaya gəlmişdir. Bu da ötən ilin müvafiq dövründəkindən 69 nəfər çoxdur.
Yeni doğulanlar arasında ölüm faizi də xeyli azalmışdır. Təkcə cari ilin birinci rübündə ötən ilin eyni dövrü ilə müqayisədə bu rəqəm 10 faiz az olmuşdur.
