’AHƏNGDARLIQ LAYİHƏSİ’NİN AZƏRBAYCANDA FƏALİYYƏTİ GENİŞLƏNİR

15.09.2003 [20:58]
Çap et
A⁺ A^-

ABŞ-ın məktəblər arasında əlaqələndirmə proqramının direktoru, “Ahəngdarlıq layihəsi” təşkilatının Azərbaycandakı nümayəndəliyinin başçısı Kerri Kosbi AZƏRTAC-ın müxbirinə demişdir ki, son iki il ərzində respublikamızın 7 rayonundakı 25 məktəbdə hər birinin dəyəri 18 min ABŞ dolları olan kompüter-internet mərkəzləri təşkil olunmuşdur.

K.Kosbi təşkilatın məqsədlərindən danışaraq bildirmişdir ki, “Ahəngdarlıq layihəsi” Azərbaycanın orta məktəblərinin kompüterləşdirilməsi ilə məşğul olur, habelə orta təhsil ocaqlarının müəllim heyətinin peşə vərdişlərinin artırılmasına dair treninqlər təşkil edir. K.Kosbi demişdir: “Ahəngdarlıq layihəsi”nin fəaliyyəti sayəsində son bir ildə respublikanın 10 mindən çox vətəndaşı İnternet şəbəkəsinə sərbəst çıxmaq imkanı qazanmışdır”.

Bu il ölkənin bölgələrində daha 25 kompüter mərkəzi açmaq nəzərdə tutulmuşdur. Eyni zamanda, hər mərkəzin iki əməkdaşı bir il ərzində “Ahəngdarlıq layihəsi” xətti ilə əmək haqqı alacaqdır.

’AHƏNGDARLIQ LAYİHƏSİ’NİN AZƏRBAYCANDA FƏALİYYƏTİ GENİŞLƏNİR

MÜƏLLİFLƏ ƏLAQƏ

Bölmənin digər xəbərləri