AHİK ÜMUMMİLLİ LİDER HEYDƏR ƏLİYEVİN YUBİLEYİNƏ HƏSR OLUNMUŞ TƏDBİRLƏR PLANI HAZIRLAMIŞDIR
AZƏRTAC xəbər verir ki, Azərbaycan Həmkarlar İttifaqları Konfederasiyasının (AHİK) icraiyyə komitəsi xalqımızın ümummilli lideri Heydər Əliyevin 85 illik yubileyinin yüksək səviyyədə qeyd olunması ilə əlaqədar geniş tədbirlər planı hazırlamışdır.
Plana əsasən, AHİK-in bütün təşkilatlarının klublarında, kitabxanalarında ümummilli lider Heydər Əliyevin həyat və fəaliyyətindən bəhs edən fotostendlər qurulacaq, təntənəli gecələr, gənc istedadların musiqi müsabiqələri, yeniyetmə gənclər arasında ağır atletika, sərbəst güləş, yunan-Roma güləşi, boks yarışları, Əmək və Sosial Münasibətlər Akademiyasında AHİK-in rəhbər işçilərinin, həmkarlar ittifaqı fəallarının iştirakı ilə “Heydər Əliyev və Azərbaycan həmkarlar ittifaqları” mövzusunda elmi-praktiki konfrans təşkil olunacaq, Heydər Əliyev irsinin öyrənilməsinə həsr edilmiş dərslər keçiləcəkdir.
Mərdəkan qəsəbəsində ümummilli lider Heydər Əliyevin abidəsinin açılışında, şəhərin park və meydanlarında keçirilən gül bayramlarında həmkarlar ittifaqlarının xidmət əhatəsindəki klub müəssisələrinin bədii özfəaliyyət kollektivlərinin çıxışları, rəsm, keramika və əl işlərindən ibarət sərgilər nəzərdə tutulmuşdur.
Bölmənin digər xəbərləri
