Alma qabığı xərçəngin qarşısını alır
Bakı, 13 may (AZƏRTAC). Alma qabığının xərçəng xəstəliyinin qarşısını ala bilməsi qabiliyyəti elmə hələ lap çoxdan məlumdur, ancaq Amerika alimləri bunun necə baş verdiyini yalnız indi müəyyənləşdirmişlər.
Viskonsin Ştatı Universitetinin kollektivi araşdırmaların gedişi zamanı aşkar etmişlər ki, aktiv elementlər-antioksidantlar almanın qabığında yerləşir.
Məhz antioksidantlar sayəsində alma kişilərdə prostat, qadınlarda isə döş vəzilərinin xərcənginin qarşısını alır. Alimlər almanı qabıqlı, özü də yaxşı olar ki, hər gün yeməyi məsləhət görürlər.
Mütəxəssislərin sözlərinə görə, bu zaman almanın səthinin kimyəvi emala məruz qalmadığına əmin olmaq lazımdır. Onlar ekoloji təmiz və ya təbii, zərəvericilərə qarşı mübarizə məqsədilə kimyəvi maddədən istifadə olunmadan becərilmiş almaları yeməyi məsləhət görürlər.
Bölmənin digər xəbərləri
