ALMANİYA MİLLİ BAYRAMINI QEYD ETMİŞDİR
Dövlət səviyyəsində rəsmi mərasim bu il Berlində deyil, Erfurt şəhərində keçirilmışdir. Mərasimdə Prezident Horst Köler, kansler Gerhard Şröder, bundestaqın sədri Volfqanq Tirze, federal əyalətlərin baş nazirləri, xarici ölkələrin Almaniyadakı səfirləri, beynəlxalq təşkilatların nümayəndəliklərinin başçıları, ictimaiyyətin nümayəndələri, elm, mədəniyyət və incəsənət xadimləri iştirak etmişlər. Prezident Horst Köler təntənəli mərasimdə nitq söyləmişdir. O xüsusilə vurğulamışdır ki, İkinci Dünya müharibəsindən sonra 45 il parçalanmış vəziyyətdə yaşayan alman xalqı 1990-cı ildə milli birliyinə nail olmuşdur. İndi Almaniya Federativ Respublikası nəhəng müstəqil dövlətdir və üzvü olduğu Avropa Birliyində özünəməxsus çəkiyə və nüfuza malikdir.
Bölmənin digər xəbərləri
