ALMANİYA PREZİDENTİ HORST KÖLER VATİKANDA SƏFƏRDƏ OLMUŞDUR

19.11.2006 [21:07]
Çap et
A⁺ A^-

AZƏRTAC-ın xüsusi müxbiri verir ki, Almaniyanın federal prezidenti Horst Köler Roma Papası XVI Benediktin şəxsi dəvəti ilə noyabrın 18-də Vatikan dövlətində səfərdə olmuşdur.

Roma katolik kilsəsi başçısının iqamətgahında keçirilən görüşdə Almaniya və Vatikan dövləti arasında əməkdaşlığın dərinləşdirilməsi, Yaxın Şərqdə və digər böhranlı bölgələrdə təhlükəsizliyin və sabitliyin təmin olunması məsələləri müzakirə edilmiş, müxtəlif dinlər və icmalar arasında qarşılıqlı hörmətə əsaslanan dialoqun yaradılmasının vacibliyi vurğulanmışdır.

Prezident Horst Köler Roma Papası XVI Benedikti Almaniyaya ilk rəsmi dövlət səfərinə dəvət etmişdir.

Xatırladaq ki,Roma Papası Almaniyada iki dəfə qeyri-rəsmi işgüzar səfərdə olmuşdur.