Azərbaycan Dövlət İnformasiya Agentliyi

DÜNYA

ALMANİYADA YANACAĞIN QİYMƏTİ REKORD SƏVİYYƏYƏ QALXMIŞDIR

24.04.2006 [10:54]
Çap et
A⁺ A^-

AZƏRTAC-ın xüsusi müxbiri xəbər verir ki, Almaniyada benzin, dizel yanacağı və mazutun qiyməti rekord səviyyəyə qalxmışdır. Hazırda super benzinin litri 1,38, dizel yanacağının litri 1,17, yanacaq mazutunun 100 litri 66 avroyadır.

Almaniya Enerji İstehlakçıları Departamenti yanacağın qiymətinin rekord səviyyəyə qalxmasının səbəbini dünya bazarında xam neftin qiymətinin artması ilə əsaslandırır. OPEK ölkəsi olmayan Almaniya isə xam nefti neft ixracı ölkələrindən idxal edir.

Beynəlxalq Valyuta Fondunun proqnozlarında xəbərdarlıqla bildirildiyi kimi, ehtimal ki, yanacağın qiyməti dünya bazarında uzun müddət yüksək səviyyədə qalacaqdır. Bu isə dünya iqtisadiyyatında tənəzzül riskini artıracaq, bir çox ölkədə insanların həyat şəraitinə ciddi mənfi təsirini göstərəcəkdir.