ALTI AY ƏRZİNDƏ 344 ODLU SİLAH MÜSADİRƏ OLUNMUŞDUR
Bu ilin birinci yarısında Bakıda aparılan profilaktik tədbirlər və əməliyyat-axtarış tədbirləri nəticəsində 344 odlu silah aşkar edilərək götürülmüşdür. Bunun 32-si avtomat, 89-u tapança, 11-i qumbaraatan, 212-si ov tüfəngidir. 133 qumbara və 23 minə yaxın döyüş patronu isə yığılaraq Daxili İşlər Nazirliyinin təchizat idarəsinə təhvil verilmişdir. Odlu silahların yığılmasında Əzizbəyov, Nizami, Sabunçu, Yasamal rayon polis idarələrinin əməkdaşları daha yüksək fəallıq və təşəbbüskarlıq göstərmişlər.
Bakı Şəhər Baş Polis İdarəsindən müxbirimizə bildirmişlər ki, ümumiyyətlə, qanunsuz saxlanılan və gəzdirilən silah, sursat, partlayıcı maddələrin yığılması üzrə tədbirlərin gündəlik nəzarətdə saxlanılması odlu silah vasitəsilə törədilən cinayətlərin sayının azalmasına səbəb olmuşdur. Belə cinayətlər daha çox Xətai rayonunun ərazisində törədilmişdir.
Bölmənin digər xəbərləri
