İDMAN
Altuğ Çelikbilek: Azərbaycan İslamiadaya yüksək səviyyədə ev sahibliyi edir
Bakı, 15 may, Elvin Camalov, AZƏRTAC
Rəqibim məndən təcrübəli olsa da, qızıl medalı qazanmaq üçün korta çıxdım.
Bunu türkiyəli tennisçi Altuğ Çelikbilek AZƏRTAC-a müsahibəsində deyib.
O bildirib ki, Azərbaycan IV İslam Həmrəyliyi Oyunlarına yüksək səviyyədə ev sahibliyi edir. İdmançılara hər cür qayğı göstərilir.
“Burada özümüzü Türkiyədəki kimi hiss edirik. Xüsusən də azərbaycanlı azarkeşlərin dəstəyi bizi qələbəyə ruhlandırır. Ümid edirəm ki, Azərbaycan və Türkiyə bu oyunlardan çoxlu medallarla ayrılacaq.
Komandamız yarışlara çox ciddi hazırlaşmışdı. Rəqiblərin güclü olduğunu bilirdik. Xüsusilə mənim pakistanlı rəqibim çox təcrübəli idi. Ancaq mən korta ölkəmə qızıl medal qazandırmaq üçün çıxdım və buna nail oldum", - deyə A.Çelikbilek vurğulayıb.