AMEA-da Elektron akademiya şöbəsinin prioritetləri təsdiqlənib
Bakı, 15 fevral, AZƏRTAC
Elektron akademiya şöbəsi Prezident İlham Əliyevin ölkəmizdə həyata keçirdiyi dövlət siyasətinin mühüm istiqamətlərindən olan elektron idarəetmənin formalaşdırılması, rəqəmsal transformasiyalar, yeni idarəetmə texnologiyaları və sistemlərinin tətbiqi istiqamətində tədbirlərin həyata keçirilməsi sahəsində fəaliyyət göstərəcək.
Azərbaycan Milli Elmlər Akademiyasından AZƏRTAC-a bildirilib ki, bu sözləri AMEA Rəyasət Heyətinin iclasında Elektron akademiya şöbəsinin müdiri riyaziyyat üzrə fəlsəfə doktoru Fariz İmranov rəhbərlik etdiyi şöbənin prioritetləri və vəzifələri haqqında çıxışında deyib.
Bildirib ki, elmi müəssisələrin veb-saytlarının monitorinqinin aparılması, “Vikipediya”da elmi məzmunlu məqalələrin yaradılması və zənginləşdirilməsi, elmi jurnalların beynəlxalq bazalara daxil edilməsi başlıca hədəflərdəndir.
Çıxış dinlənildikdən sonra AMEA-nın Rəyasət Heyəti aparatının Elektron akademiya şöbəsinin prioritetləri təsdiqlənib.
Bölmənin digər xəbərləri
