AMERİKA ALİMLƏRİ İSA PEYĞƏMBƏRİN SUYUN ÜSTÜ İLƏ GƏZMƏSİNİN SİRRİNİ TAPMIŞLAR
AZƏRTAC Si-En-En telekanalına istinadla xəbər verir ki, okeanoloq alim, professor Doron Nof bildirmişdir ki, İsa Peyğəmbər Qaliley dənizində (müasir Tiveriad və ya Kineret gölü) suyun üstü ilə gəzməmiş, buzun üstündə dayanıbmış. Nof müəyyən etmişdir ki, təxminən 2000 il əvvəl bu rayonda hava şəraiti sahil zolağında buzun əmələ gəlməsinə səbəb ola bilərdi.
2,6-1,5 min əvvəl Qaliley dənizi rayonunda havanın temperaturu Selsi ilə 0 dərəcədən aşağı düşürdü. D.Nofun “Jornal of Paleolimnoloji”də dərc edilmiş məqaləsində deyilir ki, bu şəraitdə gölün sahilləri boyunca insan çəkisinə tab gətirən buz əmələ gələ bilərdi.
Alim vurğulamışdır ki, Qaliley dənizində buz zolağının əmələ gəlməsi peyğəmbərin suyun üzü ilə gəzməsinin izahlarından biridir. O demişdir: “Mən inanmıram ki, kimsə suyun üstü ilə gəzə bilsin. Bunun mütləq elmi izahı olmalıdır”.
Doron Hof Əhdi-ətiq və Əhdi-cədiddə təsvir olunan möcüzələri dəfələrlə izah etməyə çalışmışdır. 1990-cı illərin ortalarında Nof bildirmişdi ki, Qırmızı dənizin suyu Musa Peyğəmbərin və onun ardıcılları qarşısında güclü külək üzündən geri çəkilmişdi. Külək suyun səviyyəsinin kəskin surətdə aşağı düşməsinə və geniş dayazlığın əmələ gəlməsinə səbəb olmuşdu. Külək səngidikdən sonra su qayıdaraq, yəhudiləri təqib edən misirliləri batırmışdır.
Bölmənin digər xəbərləri
