AMMONİUM ŞORASI GÜBRƏSİ İSTEHSALÇILARA 70 FAİZ GÜZƏŞTLƏ SATILACAQDIR
Bakı, 13 mart (AZƏRTAC). Kənd təsərrüfatı məhsulları istehsalçılarına güzəştlərin tətbiq olunması sahəsində növbəti addım atılmışdır. Nazirlər Kabinetinin martın 12-də imzaladığı qərarla ammonium şorası gübrəsi istehsalçılara 70 faiz güzəştlə satılacaqdır.
Kənd Təsərrüfatı Nazirliyinin son vaxtlar regionlarda apardığı araşdırmalar zamanı məlum olmuşdur ki, 2007-2008-ci illərdə aqrolizinq xətti ilə ölkəyə gətirilmiş ammonium şorasının istehsalçılara satılmasında maneələr yaranmışdır. Dünya bazarında adı çəkilən gübrənin kəskin ucuzlaşması onun əvvəlcədən müəyyən olunmuş qiymətə satılmasına imkan verməmişdir. Nəticədə 50 min tondan artıq gübrə bazalarda satılmamış qalmışdır. Bunu nəzərə alan Nazirlər Kabineti Kənd Təsərrüfatı Nazirliyinin təklifinə əsasən, yalnız aqrolizinq xətti ilə gətirilmiş ammonium şorası gübrəsinin 70 faiz güzəştlə satılması haqqında qərar çıxarmışdır.
Bölmənin digər xəbərləri
