Anqolada vəba epidemiyası 32 nəfərin həyatına son qoyub
Bakı, 22 yanvar, AZƏRTAC
Anqolada ilin ilk iki həftəsi ərzində vəba epidemiyasına ümumilikdə 671 yoluxma hadisəsi qeydə alınıb və nəticədə 32 nəfər ölüb.
AZƏRTAC Sinxua agentliyinə istinadla xəbər verir ki, yoluxmanın 70 faizindən çoxu paytaxt Luanda əyalətində qeydə alınıb. Bildirilib ki, ən çox təsirlənən yaş qrupları 2-9 yaşlı uşaqlardır.
Qeyd edək ki, Anqolada yanvarın 7-də təsdiqlənmiş ilk vəba hadisəsindən sonra ölkədə epidemiya elan edilib.
Bölmənin digər xəbərləri
