AQROİNFORMASİYA MƏRKƏZİ FERMERLƏRƏ TÖVSİYƏ VERİR
Bakı, 19 mart (AZƏRTAC). Aqroinformasiya Mərkəzindən bildirmişlər ki, qurumun nəzdində fəaliyyət göstərən torpaq, su və bitki analizi laboratoriyasında torpağın natrium-xlor analizi, həll olunmuş duzların cəmi miqdarı öyrənilir, elektrik keçiriciliyinə görə duzların sinifləşdirilməsi aparılır. Analizlər nəticəsində müəyyən edilən duzluluğun miqdarı ilə bağlı fermerə tövsiyələr verilir. Eyni zamanda, torpaq sahibi suvarmada istifadə etdiyi suyun yararlılığını da öyrənmiş olur.
İndiyədək aparılan analizlər nəticəsində məlum olmuşdur ki, mərkəzi bölgədə, xüsusilə Zərdab, Beyləqan, Ucar, Biləsuvar, Kürdəmir və İmişlidə şoranlaşmış və şoranlığa meyilli torpaq sahələri üstünlük təşkil edir.
Bölmənin digər xəbərləri
