ARXEOLOQLAR “ALTAY ŞAHZADƏSİ”Nİ DƏ TAPDILAR
Sən demə, o dövrdə Altayda sivilizasiya inkişaf etmişdir. Bu sivilizasiya barədə təsəvvürlər “vəhşi skiflər” haqqında mövcud təsəvvürlərlə qətiyyən uyğun gəlmir. Arxeoloqlar qəbirdə qırmızı şalvar, yüngül keçə çəkmə və yaxalığı samur xəzindən və rəngli keçədən ibarət quramalı marmot kürkü geymiş Avropa tipli kişi aşkar etmişlər. Onu son mənzilə tək yola salmamışlar. Yanında yəhərli iki at, habelə oxlarla birlikdə kaman, taxta qınlı xəncər, buynuz və gil qablar, ağac fiqurlar, daraq, saç üçün çənbər, qayçı (yaxud ona oxşar bir şey) və bir çox başqa əşyalar tapmışlar. Şəxsi gigiyena əşyalarını xatırladan bu zəngin tapıntı məzardakı şəxsin yüksək mədəniyyət sahibi olduğundan xəbər verir.
Maraqlıdır ki, sərdaba ötən əsrin 90-cı illərində aşkar edilən və “Altay şahzadə xanımı” adlandırılmış məşhur mumiyanın tapıldığı yerin yaxınlığındadır. Yeni arxeoloji sensasiya elmi baxımdan böyük əhəmiyyətə malikdir, çünki tapıntıların hamısı buzlaqda salamat qalmışdır.
Rusiya Elmlər Akademiyası Sibir bölməsi sədrinin birinci müavini Vyaçeslav Molodin demişdir ki, ilk dəfə belə məzarlıqdan genetik və mikrobioloji analiz nümunələri götürülmüş və hazırda bu analizlərin nəticələri gözlənilir.
Bölmənin digər xəbərləri
