ASİYA İNKİŞAF BANKININ ÖZBƏKİSTANA YARDIMI DAVAM EDƏCƏK

18.11.2003 [18:27]
Çap et
A⁺ A^-

Asiya İnkişaf Bankının Daşkənddəki nümayəndəliyinin yaydığı məlumatda deyilir ki, bu bankın Direktorlar Şurasının təsdiq etdiyi “2004-2006-cı illər üçün ölkə üzrə strategiya proqramı”na əsasən üzümüzə gələn 3 il ərzində ACB Özbəkistana hər il 100-150 milyon dollar ayırmağı nəzərdə tutur.

Bu vəsait Özbəkistanda iqtisadiyyatın inkişafına, idarəetmənin təkmilləşdirilməsinə, qadınların və uşaqların sağlamlığının yaxşılaşdırılmasına, dərsliklərin çapı və təhsilin səviyyəsinin yüksəldilməsinə, sahibkarlıqda islahatların artırılmasına, qaz və enerji sahəsində modernləşməyə, kənd təsərrüfatının inkişafına və dəmir yollarının bərpasına sərf olunacaqdır.

1996-cı ildən 2002-ci ilədək Asiya İnkişaf Bankı Özbəkistana 695,5 milyon dollar məbləğində yardım etmişdir.