AŞPA-NIN YANVAR SESSİYASINADA AZƏRBAYCANLA BAĞLI MƏSƏLƏ MÜZAKİRƏ OLUNACAQ
Milli Məclisin AŞPA-dakı nümayəndə heyətinin rəhbəri, parlamentin beynəlxalq münasibətlər və parlamentlərarası əlaqələr daimi komissiyasının sədri Səməd Seyidov AZƏRTAC-ın müxbirinə bildirmişdir ki, Azərbaycan təşkilat qarşısında götürdüyü öhdəliklərin 90 faizindən çoxunu yerinə yetirmişdir. Qalan digər məsələlər isə uzun müddət tələb etdiyi üçün tədricən həyata keçirilir. AŞPA-nın yanvar sessiyasınadək Azərbaycan hökuməti bir sıra vacib addımlar atacaq. Milli Məclis də bəzi qanun layihələrini müzakirə edəcəkdir.
Azərbaycan hökumət bu işi Avropa Şurasının təkid və ya tələbi ilə həyata keçirmir, bu bizim özümüzün insan hüquqları sahəsində gördüyümüz işlərdir.
Yeni əfv fərmanının verilməsinə gəldikdə isə bu iş Prezidentin müstəsna səlahiyyətidir. Ümid edirəm ki, yaxın vaxtlarda yenə də belə bir fərman imzalanacaqdır, deyə Səməd Seyidov vurğulamışdır.
Bölmənin digər xəbərləri
