ASTARADA ÜMUMTƏHSİL MƏKTƏBLƏRİNİ BU İL BİTİRƏN MƏZUNLARLA GÖRÜŞ KEÇİRİLMİŞDİR
AZƏRTAC xəbər verir ki, Astara şəhərindəki «Şindan» şadlıq sarayında rayonun ümumtəhsil məktəblərini bu il bitirən məzunlarla görüş keçirilmişdir.
Tədbir iştirakçıları şəhərin mərkəzi meydanında ümummilli liderimiz Heydər Əliyevin abidəsinin önünə gül dəstələri düzmüş, böyük öndərin xatirəsini ehriramla yad etmişlər.
Toplantıda rayon icra hakimiyyətinin başçısı Mahir Quliyev, təhsil şöbəsinin müdiri Qızbəs Məmmədova, müəllimlər, valideynlər, ictimaiyyətin nümayəndələri çıxış edərək orta məktəbi bitirən 1200 məzuna müstəqil həyatın astanasında uğurlar arzulamış, ölkəmizdə təhsilin inkişafına, onun maddi-texniki bazasının möhkəmləndirilməsinə göstərdiyi qayğıya görə Prezident İham Əliyevə minnətdarlıqlarını bildirmişlər.
Birinci sinif şagirdləri məzunları şeir və mahnılarla salamlamışlar.
Mərasimdə təhsildə fərqlənən məzunlardan bir qrupuna rayon icra hakimiyyətinin və təhsil şöbəsinin fəxri-fərmanları, xatirə hədiyyələri təqdim edilmişdir.
Rayonun musiqi kollektivləri maraqlı konsert proqramı ilə çıxış etmişlər.
Bölmənin digər xəbərləri
