Aşura günü ilə əlaqədar 4 min 43 nəfər könüllü olaraq qan verib
Aşura günü ilə əlaqədar Səhiyyə Nazirliyi və Qafqaz Müsəlmanları İdarəsinin təşkilatçılığı ilə qana ehtiyacı olan xəstələrə yardım məqsədilə könüllü qanvermə aksiyaları keçirilib.
Səhiyyə Nazirliyindən AZƏRTAC-a verilən məlumata görə, respublika üzrə В.Eyvazov adına Elmi Tədqiqat Hematologiya və Transfuziologiya İnstitutu da daxil olmaqla 15 məntəqədə təşkil olunan qanvermə aksiyasında 4 min 43 nəfər könüllü olaraq qan verib. Nəticədə 1060 litr qan tədarük olunub.
Toplanan qandan hemofiliyalı və talassemiyalı, həmçinin qana ehtiyacı olan bütün xəstələrin müalicəsində istifadə olunacaqdır.
Könüllü qanvermə aksiyaları Məhərrəmlik ayı boyunca davam edəcək.
Bölmənin digər xəbərləri
