Aşura günündə paytaxt polisi gücləndirilmiş iş rejimində işləyəcəkdir
Bakı, 12 noyabr (AZƏRTAC). Noyabrın 14-də Aşura günü ilə əlaqədar Bakı şəhər polis qarnizonu gücləndirilmiş iş rejimində işləyəcəkdir.
Bakı Şəhər Baş Polis İdarəsinin mətbuat xidmətindən AZƏRTAC-a bildirmişlər ki, paytaxtda Aşura mərasimlərinin keçiriləcəyi yerlərdə ictimai qaydaların qorunması və ictimai təhlükəsizliyin təmin olunması ilə əlaqədar Daxili İşlər Nazirliyi rəhbərliyinin xüsusi göstərişi vardır. Paytaxtın müxtəlif ərazilərində Aşura mərasimlərinin keçiriləcəyi yerlərdə polis naryadları qoyulacaqdır. Müəyyən edilmiş yerlərdən kənarda mərasimlərin, küçə yürüşlərinin keçirilməsinə imkan verilməyəcəkdir.
Daxili işlər nazirinin göstərişinə əsasən Bakı Şəhər Baş Polis İdarəsində xüsusi tədbirlər planı da hazırlanmışdır. Bakı şəhər polis qarnizonu Aşura günü bu plan əsasında işləyəcəkdir.
Bölmənin digər xəbərləri
