ATƏT ERMƏNİSTANDA MƏTBUAT AZADLIĞINA MƏHDUDİYYƏT QOYULMASINA TƏƏSSÜFLƏNDİYİNİ BİLDİRİR
ATƏT-ın AZƏRTAC-a daxil olan mətbuat üçün məlumatında deyilir ki, bu mötəbər beynəlxalq təşkilatın nümayəndəsi Freymut Duvye Ermənistanda iki müstəqil televiziya kanalına – Kanal A1+ və Noyan Tapan kanallarına lisenziya verilməsinə imtina edilməsindən təəssüfləndiyini bildirmişdir.
Mətbuat üçün məlumatda vurğulanır ki, Ermənistanın televiziya və radio verilişləri üzrə milli komissiyası müstəqil telekanallara lisenziya verməməklə plüralizm prinsiplərini və ölkə vətəndaşlarının hakimiyyətin rəyindən fərqli rəylə tanış olmaq hüququnu pozmuşdur. ATƏT bu addımı Ermənistanda söz azadlığına hələ də məhdudiyyət qoyulması kimi qiymətləndirir.
Bölmənin digər xəbərləri
