Azərbaycan Dövlət İqtisad Universitetinin iqtisad-uçot fakültəsində Auditorlar Palatasının rəhbərliyi ilə görüş keçirilmişdir.

Universitetdən AZƏRTAC-ın müxbirinə bildirmişlər ki, tədbirdən məqsəd respublikamızın auditor xidmətinin bugünkü vəziyyəti, gələcək fəaliyyəti haqqında dolğun təsəvvür yaratmaq idi.

Fakültənin dekanı Telman Babayev, kafedra müdirləri Sifariz Səbzəliyev, Nurəddin Quliyev, Sakit Yaqubov, Auditorlar Palatasının sədri Vahid Novruzov, qurumun elmi tədqiqat tədris mərkəzinin direktoru Yaşar Məmmədov görüşdə çıxış etmişlər.

Auditorlar Palatasının nümayəndələri görüş iştirakçılarını maraqlandıran suallara cavab vermişlər.