Avropa birinciliyində 30-dan çox azərbaycanlı şahmatçı mübarizə aparır
Bakı, 21 sentyabr, AZƏRTAC
Sentyabrın 21-də Xorvatiyanın Poreç şəhərində başlayan şahmatçı yeniyetmələrin Avropa birinciliyində 30-dan çox azərbaycanlı zəka sahibi iştirak edir.
AZƏRTAC xəbər verir ki, yarış iştirakçılarının siyahısında 40 ölkədən 850 nəfər yer alıb. Azərbaycandan mükafat yerləri uğrunda FIDE ustaları Ülvi Sadıqov, Pərviz Qasımov, ustalığa namizədlər Rüstəm Bünyatov, Aydın Süleymanlı, Sənan Əliyev, Nərmin Məmmədova, Gövhər Beydullayeva, Mələk İsmayıl, Səbinə Rzalı, Nurtac Heydərli və başqaları mübarizə aparırlar.
Yarışlar 8-18 yaşlı qızlar və oğlanlar arasında beş yaş qrupunda keçiriləcək. Avropa çempionatının qalibləri İsveçrə sistemi üzrə 9 turda müəyyən olunacaq.
Bölmənin digər xəbərləri
