AVROPA BİRLİYİ TƏHSİL SAHƏSİNDƏ BEYNƏLXALQ ƏLAQƏLƏRİN İNKİŞAFINA KÖMƏK EDİR

08.12.2003 [20:18]
Çap et
A⁺ A^-

Avropa Birliyinin (AB) “Şəxsi səfərlərə qrantlar” TEMPUS proqramında iştirak üçün ərizələrin qəbulu 2004-cü il fevralın 15-dək davam edəcəkdir. Bunu AZƏRTAC-ın müxbirinə AB-nin Azərbaycana Texniki Yardım Proqramlarının Əlaqələndirmə bürosundan bildirmişlər.

Büronun aparıcı mütəxəssisi Pərviz Yusifovun dediyinə görə, həmin proqram ali məktəblərimizin akademik heyətinə Avropa universitetlərinə getmək imkanı vermək məqsədi ilə təşkil edilmişdir ki, bu da təhsil sahəsində sıx beynəlxalq əlaqələrin nizama salınmasına yardım göstərəcəkdir. P.Yusifov demişdir:”Avropanın təhsil problemlərinə dair hər hansı bir iri tədbirində iştirak etməyə dəvət olunmuş və ya təcrübə mübadiləsi məqsədi ilə xarici ali məktəbə getmək istəyən şəxs AB-nin maliyyə yardımı barədə xahişlə büroya müraciət edə bilər”.

Yalnız respublika ali məktəblərinin və nazirliklərinin ştatlı işçiləri,

o cümlədən ali məktəblərin rəhbərləri, müəllimlər, təhsil sahəsinin

ekspertləri proqramın iştirakçıları ola bilərlər.

Ərizələr www.etf.eu.int/Tempus

elektron səhifəsində qəbul edilir.