Avropa İttifaqı liderlərinin növbədənkənar sammiti mayın 28-də keçirilə bilər
Bakı, 3 may, AZƏRTAC
Avropa İttifaqına üzv 27 ölkənin liderləri Avropa Parlamentinə seçkilərdən sonra, mayın 28-də Brüsseldə növbədənkənar sammitdə görüşə bilərlər.
AZƏRTAC Reuters informasiya agentliyinə istinadla xəbər verir ki, sammitdə ittifaqa üzv ölkələrin dövlət başçıları Avropa Komissiyasının sədri Jan-Klod Yunkerin xələfinin namizədliyini müzakirə edəcəklər.
Avropa Parlamentinə seçkilər 2019-cu il mayın 23-26-da keçiriləcək. Parlament iyulun 2-də toplaşaraq Avropa Komissiyasının rəhbəri postuna namizədini irəli sürəcək.
Avropa İttifaqı Şurasının sədri Donald Tuskun sammit barədə mayın 9-da Rumıniyaya səfəri zamanı məlumat verəcəyi gözlənilir.
Bölmənin digər xəbərləri
