Pakistanda hərbi helikopter qəzaya uğrayıb, bütün ekipaj həlak olub
Bakı, 10 iyun, AZƏRTAC
Pakistan ordusuna məxsus “Mi-17” hərbi helikopteri qəzaya uğrayıb. Nəticədə bütün ekipaj həlak olub.
AZƏRTAC dövlət televiziya kanalı PTV-yə istinadla xəbər verir ki, bu barədə Pakistan Silahlı Qüvvələrinin İctimaiyyətlə əlaqələr üzrə idarələrarası xidməti məlumat yayıb. Məlumata görə, insident iyunun 10-da Müzəffərabad ətrafında qeydə alınıb. İlkin ehtimala əsasən, helikopter havaya qalxarkən yaranan texniki problem səbəbindən yerə çırpılıb.
Faktla bağlı araşdırma aparılır.
Bölmənin digər xəbərləri
