AVROPA İTTİFAQI QARAÇILARIN TALEYİNDƏN NARAHATDIR
Qitədə ən böyük qaraçı icması 2007-ci il yanvarın 1-dən Avropa İttifaqına daxil olacaq Rumıniyada yaşayır. Məruzədə deyilir ki, Aİ-nin gələcək üzvünün əhalisinin təxminən 5 faizi iqtisadi və sosial ayrı-seçkiliyə məruz qalır.
Ekspertlərin narahatlığına Avropa Parlamentində də şərikdirlər. İspan flamenkosunun ulduzu, milliyyətcə qaraçı olan Xoakin Kortes Avropa Parlamenti sədrinin dəvəti ilə oraya gəlmişdir. O, ümidvar olduğunu bildirmişdir ki, iş söhbətlə bitməyəcək, tezliklə qaraçılar cəmiyyətdə daha yaxşı yaşamağa və ona qaynayıb-qarışmağa başlayacaqlar.
Avropa İttifaqı 2004-cü ildə genişlənməyə başladığı vaxtdan bəri Avropa ailəsində qaraçıların sayı 8 dəfə artaraq, 9 milyon nəfərə çatmışdır. Proqnozlara görə, 2015-ci ilədək Avropa İttifaqı ərazisində 12 milyondan çox qaraçı yaşayacaqdır.
Bölmənin digər xəbərləri
