Avropa İttifaqının gələcək rəhbərliyində V4 nümayəndəsi üçün bir vəzifə tapılacaqmı?
Budapeşt, 4 iyun, AZƏRTAC
Avropa məsələləri üzrə saksoniyalı nazir Oliver Şenkin sözlərinə görə, “Mərkəzi Avropa nadir tarixi təcrübə qazanıb və bu təcrübəni Brüsseldə bölüşmək üçün ona imkan verilməlidir”.
AZƏRTAC xəbər verir ki, “Vışeqrad dördlüyü” ölkələrinin xarici işlər nazirləri Brüsseldə həmin ölkələrin nümayəndəsinə bir yer ayrılması ideyasını dəstəkləyiblər.
Bu günlərdə Avropa İttifaqının siyasi səhnəsində ümumavropa hakimiyyət arxitekturasında dörd əsas fiqurun - Avropa Komissiyası prezidentinin, Avropa Şurası sədrinin, xarici işlər və təhlükəsizlik siyasəti üzrə ali nümayəndənin və Avropa Parlamenti spikerinin ehtimal edilən varisləri barədə debatlar qızışır.
V4 üzvü olan dövlətlərin paytaxtlarında belə hesab edirlər ki, Avropa Komissiyasının yeni sədri kompromis tapmağı və Avropa İttifaqının üzvü olan dövlətləri birləşdirməyi bacaran parlaq və xarizmatik şəxsiyyət olmalıdır.
Məsələn, Slovakiya öz vətəndaşı, hazırda Avropa Komissiyası sədrinin müavini olan Maroş Şevçoviçin namizədliyini dəstəkləməyə hazırlaşır.
Pərvanə Qarayeva
AZƏRTAC-ın xüsusi müxbiri
Budapeşt
Bölmənin digər xəbərləri
