Avropa Komissiyasının sədri Karl Marksın tərəfini saxlayıb
Bakı, 5 may, AZƏRTAC
Avropa Komissiyasının sədri Jan-Klod Yunker davamçılarının əməllərinə görə alman filosofu Karl Marksı ittiham etməməyə çağırıb.
AZƏRTAC bu barədə Interfax informasiya agentliyinə istinadla xəbər verir.
“Marks davamçılarının cavab verməli olduğu vəhşiliklərə görə məsuliyyət daşımır”, - deyə Almaniyanın Trir şəhərində Karl Marksın 200 illiyi münasibətilə keçirilən tədbirdə iştirak edən Yunker bildirib.
Jan-Klod Yunkerin həmin tədbirdə iştirak etməsi bir çox siyasətçilər tərəfindən tənqid olunub. Avropa Parlamentinin britaniyalı deputatı Pol Natoll Yunkerin 100 milyondan çox insanın ölümünə səbəb olan marksizm/kommunizm ideologiyasının banisinin xatirəsini yad etmək barədə qərarını dəhşət adlandırıb.
Qeyd edək ki, Karl Marksın anadan olmasının ildönümü münasibətilə mayın 5-də Trir şəhərində keçirilən tədbirdə onun Çin tərəfindən hədiyyə edilən 4,4 metrlik heykəlinin açılışı olacaq.
Bölmənin digər xəbərləri
