Rusiyanın Çeboksarı şəhəri və Samara vilayəti raket və dron hücumlarına məruz qalıb
Moskva, 10 iyun, AZƏRTAC
Çeboksarı raket hücumuna məruz qalıb, bu şəhərdə itkilər və zədələnmiş infrastruktur barədə məlumatlar hazırda dəqiqləşdirilir.
AZƏRTAC xəbər verir ki, bu barədə RF Çuvaşiya Respublikasının rəhbəri Oleq Nikolaev açıqlama verib.
“Çeboksarı bu səhər raket hücumuna məruz qalıb. Hazırda itkilərin və zədələnmiş infrastrukturun sayı dəqiqləşdirilir”, - deyə o bildirib.
Regional hökumətin məlumatına görə, Çuvaşiya Təhsil Nazirliyi təhlükə aradan qaldırılana qədər təhsil müəssisələrindən uzaq durmağı tövsiyə edib.
Bundan əlavə, Samara vilayətinə kütləvi dron hücumu edilib. Regionun qubernatoru Vyaçeslav Fedorişevin sözlərinə görə, hava hücumundan müdafiə sistemləri və mobil döyüş qrupları onlarla dronu vurub.
O əlavə edib ki, hücum nəticəsində bir neçə sənaye obyektinə ziyan dəyib. Bölgənin üç sakini yaralanıb və onlara lazımi tibbi yardım göstərilir.
Bölmənin digər xəbərləri
