Avropa Parlamentinə altı bolqar partiyasının nümayəndələri daxil olacaq
Sofiya, 24 aprel, AZƏRTAC
Avropa Parlamenti yeni tərkibdə yerlərin sayının bölüşdürməsi proqnozunu təqdim edib. Bolqarıstanda Avropa Parlamentinə seçkilər mayın 26-da baş tutacaq. Yeni siyahı Breksitin təxiri səbəbindən 751 yeri nəzərdə tutur. Proqnozlara əsasən, yeni Avropa Parlamentinə Bolqarıstanın QERB və BSP partiyalarından 6 deputat, DPS partiyasından 2, VMPO, Demokratik Bolqarıstan və Volya partiyalarının hərəsindən 1 deputat seçiləcək. Eyni zamanda, Avropa Parlamentində Avropa xalq partiyasının nümayəndələrinə 180 yer, sosialist və sosialist demokratlara 149 yer, liberal və demokratlara isə 79 yer ayrılması ehtimal olunur.
İqbal Hacıyev
AZƏRTAC-ın xüsusi müxbiri
Sofiya
Bölmənin digər xəbərləri
