CƏMİYYƏT
Avstraliya toyuqlarının tərkibində bağırsaq çöpləri aşkar edilmişdir
Bakı, 7 iyul (AZƏRTAC). Avstraliya Milli Universitetinin alimləri ölkənin supermarketlərində satılan toyuqların tərkibində bağırsaq çöpləri nümunələri aşkar etmişlər. Bakterioloji təhlil nəticəsində bu ştammların antibiotiklərə, o cümlədən ftorxilonlara qarşı davamlı olması müəyyən edilmişdir.
AZƏRTAC “ABC News” agentliyinə istinadla xəbər verir ki, bu antibiotiklərdən qida sənayesində istifadə edilməsi qadağan olunmuşdur. Toyuq əti istehsalçıları isə bildirirlər ki, toyuqlara antibiotiklər verilmir və bağırsaq çöpünün mənbəyi barədə danışmaq hələ çətindir. Bunun üçün geniş əhatəli təhqiqat aparılmalıdır.
Mütəxəssislər çiy toyuq ətini bilavasitə termik emal anına qədər yumamağı məsləhət görürlər. Bu, bakteriyaların rezistent formalarının yaranmasının qarşısını almaq üçün yaxşı profilaktika tədbiri olacaqdır.
Qeyd etmək lazımdır ki, bağırsaq çöpündən başqa “Campylobacter” bakteriyası da öz görkəmini sürətlə dəyişir. Bu qıcıqlandırıcı qarın ağrısı, qusma və diareyaya səbəb olur. Ölümlə nəticələnən yoluxma halları da olmuşdur.