AVSTRALİYALILAR DÜNYANIN SƏXAVƏTLİ MİLLƏTLƏRİNDƏN BİRİDİR
“Uorld-Vijen” beynəlxalq humanitar təşkilatının başçısı Tim Kostello bildirmişdir ki, Avstraliya xalqı öz hökumətinə nümunədir. O vurğulamışdır: “İftixarla demək istəyirəm ki, statistikaya görə, avstraliyalılar irlandiyalılardan sonra dünyada ikinci ən əliaçıq millətdir. Mənim fikrimcə, bu fakt hökumətin fəaliyyətinin cəmiyyətdəki əhval-ruhiyyəyə nə üçün uyğun gəlmədiyini aydınlaşdırmaqda ona kömək etməlidir”.
Digər ölkələrin ən səxavətli hökumətlərinə gəldikdə isə, burada birinci yeri Norveç tutur. O, hər 100 dolların 93 sentini əcnəbilərə yardım üçün xərcləyir. Sonrakı yerlərdə Hollandiya və Böyük Britaniya gəlir. Onlar kasıb dövlətlərə hər yüz dollardan 50 sent ianə edirlər. Avstraliyada bu göstərici 28 sentə bərabərdir.
Kostello bildirmişdir ki, hazırda iqtisadi yüksəlişdə olan Avstraliya inkişaf edən ölkələrə yardıma əvvəlkindən daha çox xərcləməyə başlamışdır. İndi Kanberranın maliyyə yardımının məbləği təqribən 2 milyard dollardır. 2010-cu ilədək isə bu yardım 4 milyard dollar məbləğində planlaşdırılır.
Bölmənin digər xəbərləri
