Avstriyada terror təhlükəsi səviyyəsi maksimim dərəcəyə qaldırılıb
Bakı, 18 oktyabr, AZƏRTAC
Avstriyanın hakimiyyət orqanları Yaxın Şərqdə vəziyyətin gərginləşməsi fonunda ölkədə terror təhlükəsi səviyyəsini maksimal göstəriciyə qədər artırıb.
AZƏRTAC xəbər verir ki, ORF telekanalı bu barədə Avstriyanın daxili işlər naziri Gerhard Karnerə istinadla məlumat yayıb.
Nazir bildirib ki, oktyabrın 18-də terror təhlükəsi ikinci yüksək səviyyəyə qaldırılıb. Ölkənin təhlükəsizlik orqanları Yaxın Şərqdə vəziyyətin gərginləşməsi və Brüsseldə futbol azarkeşlərinə edilən hücum fonunda konkret təhlükə və artan hücum riskindən ehtiyatlanır.
Telekanalın məlumatına görə, polis qüvvələri Avstriya Silahlı Qüvvələrinin 190 hərbçisi hesabına gücləndiriləcək. Onlar ilk növbədə Vyana şəhərində binaların və obyektlərin mühafizəsində iştirak edəcək. Avstriya ordusunun xüsusi hazırlıq keçən əlavə qüvvələri əsasən yəhudi müəssisələrinin mühafizəsinə cəlb olunacaq. Bəzi diplomatik missiyalar artıq avstriyalı hərbçilərin mühafizəsi altına alınıb.
Bölmənin digər xəbərləri
