AZƏRBAYCAN AĞIRLIQQALDIRANLARI CƏNUBİ KOREYADA ÖLKƏMİZİ TƏMSİL EDƏCƏKLƏR
Bakı, 28 oktyabr (AZƏRTAC). Noyabrın 19-dan 29-dək Koyanda (Cənubi Koreya) keçiriləcək dünya çempionatında iştirak edəcək Azərbaycanın kişilərdən ibarət yığma komandasının heyəti müəyyən olunmuşdur. Yığma komandamızın tərkibində 8 ağırlıqqaldıran Azərbaycan idmanının şərəfini qoruyacaqdır. Bunlar Zülfüqar Süleymanov (62 kq), Sərdar Həsənov və Əfqan Bayramov (hər ikisi 69 kq), Namiq Cəlilov (77 kq), İntiqam Zairov (85 kq), Rövşən Fətullayev və Nizami Paşayev (hər ikisi 94 kq), Əlibəy Səmədovdur (105kq). Azərbaycan yığma komandasını dünya çempionatına baş məşqçi Yanko Rusev, məşqçilər Xanlar Nəbiyev və İvan Stepanov hazırlayırlar.
Yığma komandamız dünya çempionatına hazırlıqla əlaqədar Bolqarıstanda, Lənkəranda və Bakıda təlim-məşq toplantıları keçirmişdir.
Bölmənin digər xəbərləri
