Azərbaycan-Çexiya əməkdaşlığının inkişaf etdirilməsi ilə bağlı məsələlər müzakirə olunub
Bakı, 14 avqust, AZƏRTAC
Azərbaycan Respublikası xarici işlər nazirinin müavini Nadir Hüseynov avqustun 14-də ölkəmizdə səfərdə olan Çex Respublikası Xarici İşlər Nazirliyinin dövlət katibi Petr Qayduşek ilə görüşüb.
Xarici İşlər Nazirliyinin mətbuat xidmətindən AZƏRTAC-a bildiriblər ki, görüşdə iki ölkə arasında münasibətlərin hazırkı vəziyyətinə nəzər salınıb, əməkdaşlığın cari səviyyəsindən məmnunluq ifadə edilib. Tərəflər Azərbaycan və Çexiya qanunvericiliyi, xüsusən də diplomatik xidmət haqqında qanunun müddəaları ətrafında fikir mübadiləsi aparıblar.
Görüşdə, həmçinin dövlət qulluğu, habelə diplomatların təhsil və ixtisasartırma məsələləri, iki ölkə arasında əməkdaşlığın inkişaf etdirilməsi yolları da müzakirə olunub.
Bölmənin digər xəbərləri
