AZƏRBAYCAN CÜDOÇULARI FRANSADA DÜNYA SUPER KUBOKU UĞRUNDA YARIŞDA ÜÇ MEDAL QAZANMIŞLAR
AZƏRTAC xəbər verir ki, Fransada cüdo üzrə dünya super kuboku uğrunda yarışa yekun vurulmuşdur.
Turnirdə on idmançı ilə təmsil olunan Azərbaycan yığması uğurlu çıxışı ilə yadda qalmışdır.
Yarışın ilk günü 60 kiloqram çəki dərəcəsində Nicat Şıxəlizadə qızıl medala layiq görülmüşdür. Azərbaycan cüdoçusu ardıcıl olaraq Gürcüstan, Fransa, Rusiya, Avstriya idmançılarına qalib gələrək finala çıxmışdır. Həlledici görüşdə yaponiyalı Equsa Tatsuakiyə qalib gələn Nicat fəxri kürsünün ən yüksək pilləsinə qalxmışdır.
73 kiloqram çəki dərəcəsində yarışan Elnur Məmmədli isə finala qədər irəliləsə də son görüşdə yaponiyalı Yusuke Kanamaruya uduzaraq gümüş medala layiq görülmüşdür.
Qadınların mübarizəsində isə Kifayət Qasımova (57 kq) beşinci yeri tutmuşdur.
Yarışın sonuncu günü isə Mehman Əzizov (81 kq) bürünc medala sahib olmuşdur.
Bölmənin digər xəbərləri
