Azərbaycan deputatları Özbəkistanda keçiriləcək prezident seçkilərini izləyəcəklər
Daşkənd, 3 dekabr, AZƏRTAC
Milli Məclisin aqrar siyasət komitəsinin sədri, Azərbaycan-Özbəkistan parlamentlərarası dostluq qrupunun rəhbəri Eldar İbrahimov, ictimai birliklər və dini qurumlar komitəsinin sədri Siyavuş Novruzov, deputat Elman Nəsirov Özbəkistanda keçiriləcək prezident seçkilərini izləyəcəklər.
Azərbaycandan gələn müşahidəçilər arasında Bakı Beynəlxalq Multikulturalizm Mərkəzinin baş məsləhətçisi Tofiq Abbasov və iş adamı Rəşid Çulaqov da var.
Milli Məclisin üzvləri seçkilərin gedişini Daşkənddə, Tofiq Abbasov və Rəşid Çulaqov isə Buxarada izləyəcəklər.
Bu gün deputatlar Daşkənddə fəaliyyət göstərən seçki məntəqələrində hazırlıq işləri ilə tanış olub, Onlar “International Hotel Tashkent” mehmanxanasında yaradılan press-klubda yerli KİV-lərə müsahibə veriblər.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
