AZƏRBAYCAN İDMANÇILARI MASAAKİ İKEMİYAGİ SEMİNARINDA İŞTİRAK EDƏCƏKLƏR
Bakı, 4 noyabr (AZƏRTAC). Azərbaycan yığması Moskvada keçirilən pencak silat və sindo pyu üzrə Dünya kuboku yarışlarında layiqincə çıxış etmişlər. Yarışlarda dünyanın 13 ölkəsindən 500-dək idmançı iştirak etmişdir. Baş məşqçi Abbas Hümbətovun rəhbərliyi ilə Azərbaycan idmanın şərəfini 16 idmançı qorumuşdur.
Azərbaycan yığma komandasının tərkibində ən yaxşı nəticəni Elxan Əlizadə (28 kq), Süleyman Dadaşlı (48 kq) və Minnar Mehrabov (54 kq) göstərmişlər. Gümüş medalları komandanın hesabına Fərhad Məmmədli (37 kq) və Kənan Ayazzadə (42 kq) gətirmişlər. Bürünc medallara Həmid Məmmədov (32 kq) , Xaqani Əlizadə (46 kq) və Rüfət Elzarov (58 kq) layiq görülmüşlər.
Nəticədə Azərbaycan yığmasının hesabında 3 qızıl, 2 gümüş və 3 bürünc medal vardır.
Noyabrın 6-8-də Moskvada 9-cu dan meybukan, Dzen Okinava karate kobudo renmey prezidenti ustad Masaaki İkemiyagi seminarı keçiriləcəkdir. Tədbirdə 7 Azərbaycan idmançısı iştirak edəcəkdir.
Bölmənin digər xəbərləri
