AZƏRBAYCAN İDMANÇILARI “RESPUBLİKA KUBOKU” YARIŞLARINDA İŞTİRAK ETMİŞLƏR
Bakı, 28 oktyabr (AZƏRTAC). Türkiyənin Trabzon şəhərində 1993-cü ildə anadan olmuş və daha az yaşlı kadetlər arasında qılıncoynatma üzrə beynəlxalq “Respublika kuboku” yarışları başa çatmışdır.
Azərbaycan idmançıları arasında Yekaterina Proxorova ən yaxşı nəticə göstərmişdir. O, 20 qılıncoynadan arasında 7-ci yeri tutmuşdur. Bu yarışda digər idmançımız Dilarə Quliyeva 13-cü yerlə kifayətlənmişdir.
Yeniyetmələr arasında keçirilən yarışda Hüseyn Dadaşov 23 idmançı arasında 8-ci, Əziz Quliyev isə 20-ci yeri tutmuşdur. Nəcəf Məhərrəmov və Fərid Məmmədov 40 şpaqaçı arasında 14-15-ci yerləri bölüşmüşlər. 33 şpaqaçının iştirak etdiyi yarışda Nəzrin Əlizadə 20-ci, Əminə Novruzova isə 23-cü yerlə kifayətlənmişdir.
Bölmənin digər xəbərləri
