MƏDƏNİYYƏT
AZƏRBAYCAN İFAÇILARININ UĞURLU ÇIXIŞLARI
Sentyabrın 25-30-da Moskvada, Olimpiya kəndində Müstəqil Dövlətlər Birliyi ölkələrinin xalq musiqi yaradıcılığı festivalı keçirilmişdir. Festivalda Azərbaycan ifaçıları da iştirak etmişlər. Ölkəmizi Rəşid Behbudov adına Azərbaycan Dövlət Mahnı Teatrı təmsil etmişdir.
Azərbaycan ifaçılarının - Bilal Əliyevin, Elza Seyidcahanın, Gülyaz Məmmədovanın, Gülyanaq Məmmədovanın, habelə teatrın rəqs kollektivinin çıxışları böyük uğurla keçmişdir. Festivalın açılış günündə MDB-nin digər ölkələrinin yaradıcı kollektivlərinə çıxış üçün beş dəqiqə ayrıldığı halda, Azərbaycan artistləri 20 dəqiqə çıxış etmişlər. Tamaşaçılar onları uzun müddət səhnədən buraxmamışlar.
Azərbaycanın incəsənət ustaları bütün festival ərzində konsertlər vermişlər. Festivalın bağlanış günündə isə Bilal Əliyev Gülyaz Məmmədova və Gülyanaq Məmmədova ilə birgə “Qarabağ şikəstəsi”ni ifa edərkən tamaşaçılar onları gurultulu alqışlarla qarşılamışlar.
Bölmənin digər xəbərləri
