AZƏRBAYCAN İLƏ ABŞ ARASINDA AQRAR SAHƏDƏƏLAQƏLƏR GENİŞLƏNİR
ABŞ-ın ölkəmizdəki səfiri xanım Ann Dersin də iştirak etdiyi görüşdə nazir İ.Abasov strateji əməkdaşlığın hər iki dövlətin xarici siyasət kursunda mühüm yer tutduğunu, Prezident İlham Əliyevin bu ilin aprelində ABŞ-a rəsmi səfərindən sonra ölkələrimiz arasında münasibətlərin dinamik inkişaf yoluna qədəm qoyduğunu xatırlatmış, ABŞ-ın Azərbaycan iqtisadiyyatına ən çox sərmayə yatıran ölkələrdən biri olduğunu vurğulamışdır. O, diqqətə çatdırmışdır ki, Azərbaycan Cənubi Qafqazda ən inkişaf etmiş respublikadır, ölkəmizdə sərmayədarlara əlverişli şərait yaradılmışdır, iş adamları üçün qeyri-neft sektorunda, o cümlədən aqrar sahədə geniş imkanlar vardır və təbii iqlim şəraiti bu imkanları reallaşdırmağa zəmin yaradır.
Nazir aqrar sahə üzrə prioritet hesab etdiyi istiqamətləri də qonağın nəzərinə çatdırmışdır.
Ralf Qrifford ətraflı məlumat üçün təşəkkürünü bildirmiş və demişdir ki, təmsilçisi olduğu qurum Azərbaycanın kənd təsərrüfatı sektorunu təhlil etmişdir.
Qonaq aqrar sahənin inkişafı ilə bağlı fikirlərini bölüşmüşdür.
Bölmənin digər xəbərləri
