AZƏRBAYCAN İLƏ İRAN ARASINDA İDMAN SAHƏSİNDƏ ƏMƏKDAŞLIQ ƏLAQƏLƏRİ MÜZAKİRƏ OLUNACAQDIR
Gənclər və İdman Nazirliyindən AZƏRTAC-a bildirmişlər ki, sentyabrın 17-də İran İslam Respublikası Təbriz Universitetinin İdman və Bədən Tərbiyəsi Assosiasiyasının nümayəndə heyəti Bakıya gələcəkdir.
Səfərin məqsədi idman və idman təhsili sahəsində qarşılıqlı əməkdaşlığın əsasını qoymaq, Azərbaycan Dövlət Bədən Tərbiyəsi və İdman Akademiyasının (ADBTİA) fəaliyyəti ilə tanış olmaqdır.
Səfər müddətində qonaqlar ADBTİA-nın professor-müəllim heyəti ilə fikir mübadiləsi aparacaq, nəzəri və praktiki dərslərdə iştirak edəcəklər.
Qonaqların Gənclər və İdman Nazirliyində, Milli Olimpiya Komitəsində görüşləri də nəzərdə tutulmuşdur.
Bölmənin digər xəbərləri
