Azərbaycan ilə Qətər arasında enerji sahəsində əməkdaşlıq məsələləri müzakirə olunmuşdur
Bakı, 13 noyabr (AZƏRTAC). Azərbaycan Respublikası Dövlət Neft Şirkətinin prezidenti Rövnəq Abdullayevin rəhbərlik etdiyi nümayəndə heyəti Qətər Dövlətində rəsmi səfərdə olmuşdur. Bu barədə AZƏRTAC-a Azərbaycanın Qətərdəki səfirliyindən məlumat verilmişdir.
Səfər çərçivəsində Qətərin Əmiri şeyx Təmim bin Həməd Al Tani nümayəndə heyətini qəbul etmişdir. Azərbaycan Prezidenti İlham Əliyev tərəfindən şeyx Təmim bin Həməd Al Taniyə ünvanlanmış məktub Əmirə təqdim edilmişdir.
Nümayəndə heyəti Qətərin enerji və sənaye naziri, “Qatar Petroleum” şirkətinin prezidenti Mohammed Al-Sada ilə də görüşmüşdür.
Görüşlərdə ölkələrimiz arasında neft-qaz sahəsində əməkdaşlığın təşviq edilməsi və bununla bağlı təcrübə mübadiləsinin aparılması perspektivləri müzakirə edilmişdir.
Bölmənin digər xəbərləri
