AZƏRBAYCAN KOMANDASI AVROPA CEMPİONATINDA LİDERLİK MÖVQEYİNİ QORUMUŞDUR
Bakı, 28 oktyabr (AZƏRTAC). Serbiyanın Novi-Sad şəhərində keçirilən şahmat üzrə Avropa çempionatının 6-cı turunda Azərbaycanın kişilərdən ibarət komandası güclü Rusiya yığması ilə görüşünü 2:2 hesabı ilə başa vurmuşdur.
Görüşdə aşağıdakı nəticələr qeydə alınmışdır:
Teymur Rəcəbov-Peter Svidler 0,5:0,5, Vüqar Həşimov-Dmitri Yakovenko 0,5:0,5, Qadir Hüseynov-Yevgeni Alekseyev 0,5:0,5, Şəhriyar Məmmədyarov-Yevgeni Tomaşevski 0,5:0,5.
Azərbaycan komandası bu qarşılaşmadan sonra liderlik mövqeyini qorumuşdur. Turnirdə 2-ci pilləni Rusiya şahmatçıları tuturlar.
Qadın şahmatçılarımız ilə Gürcüstan idmançıları arasında oyun da eyni hesabla (2:2) nəticələnmişdir.
Qadınların turnirində Rusiya və Gürcüstan 1-2-ci yerləri bölüşürlər. Azərbaycan 3-cü yerdə qərarlaşmışdır.
Avropa çempionluğu uğrunda 38 kişi və 28 qadın komandası mübarizə aparır.
Bölmənin digər xəbərləri
