Azərbaycan komandası yeniyetmələr arasında keçirilən açıq Avropa turnirinə uğurla start verib
Bakı, 20 fevral, AZƏRTAC
Azərbaycan komandası İspaniyada yeniyetmələr arasında keçirilən açıq Avropa turnirinə uğurla start verib.
Azərbaycan Cüdo Federasiyasından AZƏRTAC-a bildiriblər ki, turnirin birinci günündə idmançılarımız 4-ü qızıl olmaqla 8 medal qazanıblar. Belə ki, yeniyetmə oğlanlar arasında Məhəmməd Məmişov (50 kq), Məhəmməd Musayev (55 kq), Nizami İmranov (60 kq), Nicat Nağıyev (66 kq) bütün rəqiblərini məğlub edərək fəxri kürsünün ən yüksək pilləsində yer alıblar. Xalid Məmmədov (50 kq), Xanəhməd Şərifov (55 kq) bürünc medal qazanıblar.
Yeniyetmə qızlar arasında isə Xumar Qasımzadə (44 kq) gümüş, Fidan Qasımova (52 kq) bürünc medal əldə ediblər.
Bölmənin digər xəbərləri
