AZƏRBAYCAN MƏDƏNİYYƏT MƏRKƏZLƏRİ ASSOSİASİYASININ KONFRANSI KEÇİRİLMİŞDİR
Daşkənddəki Azərbaycan Mədəniyyət Mərkəzləri Assosiasiyasının konfransı keçirilmişdir. Konfransda Azərbaycanın Özbəkistandakı səfiri Aydın Əzimbəyov, Xarici Ölkələrdə Yaşayan Azərbaycanlılarla iş üzrə Dövlət Komitəsinin idarə rəisi Valeh Hacıyev iştirak etmişlər.
Tədbirdə assosiasiyanın qarşısında duran vəzifələr, Daşkənddəki “Azərbaycan evi”nin və məscidin tikintilərinin başa çatdırılması, yeniyetmə və gənc soydaşlarımızın milli adət-ənənələr ruhunda tərbiyə olunması və bir sıra digər məsələlər müzakirə olunmuşdur.
Konfransda səfir Aydın Əzimbəyov Azərbaycan Mədəniyyət Mərkəzləri Assosiasiyasının fəxri sədri seçilmiş, qurumun 23 nəfərlik yeni idarə heyəti təsdiq edilmişdir.
İdarə heyətinin yeni üzvləri çıxış edərək təkliflərini bildirmiş, assosiasiyaya uğurlar arzulamışlar.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
