AZƏRBAYCAN MÜƏLLİMLƏRİNİN XII QURULTAYI
Prezidentin İcra Aparatının, Milli Məclisin, Nazirlər Kabinetinin məsul işçilərinin, Azərbaycanda fəaliyyət göstərən xarici ölkələrin səfirlərinin, beynəlxalq təşkilatların nümayəndələrinin də iştirak etdikləri qurultayı təhsil naziri Misir Mərdanov açdı.
Məktəblilərin ifasında Azərbaycanın dövlət himni səsləndi.
XI qurultaydan ötən müddət ərzində dünyasını dəyişmiş müəllimlərin və şəhidlərin xatirəsi bir dəqiqəlik sükutla yad edildi.
Şagirdlər qurultay iştirakçılarını Azərbaycan, ingilis və rus dillərində salamladılar.
Gündəliyə təhsil nazirinin məruzəsi, mandat komissiyasının hesabatı, yekun sənədlərinin qəbulu məsələləri daxil idi.
Qurultayın katibliyi, redaksiya heyəti və mandat komissiyası seçildi.
Bölmənin digər xəbərləri
