Azərbaycan nümayəndələri Almatıda regional seminarda iştirak ediblər
Astana, 17 oktyabr, AZƏRTAC
Almatıda “Baytarlıq təhsilinin təkmilləşdirilməsi, onun Ümumdünya Heyvan Sağlamlığı Təşkilatının (OIE) beynəlxalq kompetensiyalarına uyğunlaşdırılması və “Vahid sağlamlıq” Konsepsiyasına inteqrasiyası” mövzusunda regional seminar keçirilib.
AZƏRTAC Qazaxıstan Kənd Təsərrüfatı Nazirliyinə istinadla xəbər verir ki, seminarın məqsədi region ölkələri arasında əməkdaşlığı gücləndirmək, baytarlıq mütəxəssislərinin hazırlığını təkmilləşdirmək, “Vahid sağlamlıq” Konsepsiyası çərçivəsində insan, heyvan və ətraf mühitin sağlamlığını inteqrasiya edən kompleks yanaşmanın həyata keçirilməsi olub.
Seminarda Azərbaycan, Belarus, Gürcüstan, Qazaxıstan, Qırğızıstan, Rusiya, Tacikistan, Türkmənistan və Özbəkistandan baytarlıq xidmətlərinin və aparıcı kənd təsərrüfatı universitetlərinin nümayəndələri, həmçinin OIE, Avropa Baytarlıq Təhsili Assosiasiyasının ekspertləri, Minnesota Universiteti (ABŞ) və Lissabon Universitetinin (Portuqaliya) professor-müəllim heyəti iştirak edib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
