AZƏRBAYCAN NÜMAYƏNDƏLƏRİ MDB DÖVLƏTLƏRİNİN GƏNCLƏRLƏ İŞ ÜZRƏ ŞURASININ NÖVBƏTİ İCLASINDA ÖLKƏMİZİ TƏMSİL EDİR
Bakı, 28 oktyabr (AZƏRTAC). Qazaxıstanın paytaxtı Astana şəhərində MDB dövlətlərinin Gənclərlə iş üzrə Şurasının növbəti iclası öz işinə başlamışdır.
Gənclər və İdman Nazirliyindən bildirmişlər ki, iclasda Azərbaycanı gənclər və idman nazirinin müavini İntiqam Babayev, nazirliyin beynəlxalq əlaqələr şöbəsinin müdiri İlham Mədətov təmsil edirlər. Tədbirdə Avrasiya məkanının gəncləri və müasir Avrasiyaya inteqrasiya prosesi, millətlərarası anlaşma və tolerantlıq kimi mövzular müzakirə olunacaqdır.
Noyabrın 1-dək davam edəcək iclas çərçivəsində Qazaxıstanın xarici işlər, elm və təhsil nazirləri, Prezident Administrasiyası rəhbərinin müavini və parlamentin üzvləri ilə görüşlərin keçirilməsi nəzərdə tutulur.
Bölmənin digər xəbərləri
